Dushanba kuni OpenAI o'zining GPT-4o deb nomlangan sun'iy intellektning yangi modelini, shuningdek, yangi Desktop xizmatini va ovozli yordamchi imkoniyatlaridagi yutuqlarni o'z ichiga olgan yangilanishlarni e'lon qildi.

Bosh texnologiya direktori Mira Murati OpenAI ofisida olomon oldida sahnaga chiqdi va yangi modelni sun'iy intellektda oldinga qadam sifatida ta'kidladi. Yangi model tezroq, aniqroq bo'lgan va pullik obuna bilan ishlovchi GPT-4 AI modelidan bepul foydalanish imkonini berdi.

OpenAI dushanba kuni e'lon qilgan yangilanishlar orasida ChatGPT xalqaro til imkoniyatlarining sifati va tezligi yaxshilangan, shuningdek modelni tahlil qilish uchun tasvirlar, audio va matnli hujjatlarni yuklash imkoniyati ham qo'shilgan. Kompaniya ularning xavfsiz va stabil ishlatilishini ta'minlash uchun xususiyatlarni bosqichma-bosqich tarqatishini aytdi.

Tadbir shuningdek, modelning yangi ovozli imkoniyatlarining jonli namoyishini o'z ichiga oldi, ikkita OpenAI tadqiqotchisi AI ovozli modeli bilan suhbatlashdi. Ovozli yordamchidag yana biri qiziq yangilanish bu emotsiya bilan gapirish bo'ldi. Yana bir namoyishda AI modeliga matematik tenglamani kamera orqali ko'rsatildii va keyin ChatGPT ovozli rejimi ularni qanday yechishni tushuntirib berdi.

Taqdimot davomida tadqiqotchi AI modelidan uning yuz ifodasini o'qish va his-tuyg'ularini baholashni so'radi. ChatGPTning ovozli yordamchisi uni "Biroz hayajonlanayotgan, quvnoq va baxtli" deb tasvirladi.

Kichkina nosozliklar yoki tasodifiy javoblardan tashqari, namoyishning aksariyati muammosiz o'tdi va xususiyatlar ular mo'ljallanganidek ishladi. Murati OpenAI o'zining yangi ovoz imkoniyatlaridan noto'g'ri foydalanishning oldini olish uchun choralar ko'rayotganini ta'kidlagan bo'lsa-da, tadbir kompaniyaning yuzni aniqlash va audio yaratish bo'yicha himoya choralarini qanday ko'rib chiqqani haqida juda kam ma'lumot berdi.